စစ်ကိုင်းတိုင်ဒေသကြီးလွှတ်တော် လွှတ်တော်ဥက္ကဋ္ဌ ဦးတင့်လှိုင်မြင့်၊ ဒုတိယဥက္ကဋ္ဌ ဦးမျိုးသန့်တို့သည် (၁၉-၈-၂၀၂၆)ရက်နေ့ (၁၃း၀၀)နာရီအချိန်တွင် မုံရွာမြို့နယ် စာရေးဆရာအသင်း နာယက၊ မုံရွာမြို့နယ် စာရေးဆရာအသင်းဥက္ကဋ္ဌ၊ အတွင်းရေးမှူး၊ ဘဏ္ဍာရေးမှူး၊ အဖွဲ့ဝင်များနှင့် လွှတ်တော်ရုံး ဧည့်ခန်းမတွင် တွေ့ဆုံခဲ့ပါသည်။
ရှေးဉီစွာ လွှတ်တော်ဥက္ကဋ္ဌမှ နှုတ်ခွန်းဆက်စကားပြောကြားခဲ့ပြီး မုံရွာမြို့နယ်စာရေးဆရာအသင်း နာယကမှ မြန်မာနိုင်ငံစာရေးဆရာအသင်း(ဗဟို)၏ ညွှန်ကြားချက်အရ မြန်မာနိုင်ငံစာရေးဆရာအသင်း ဖွဲ့စည်းပုံ၊ အခြေခံစည်းမျဉ်း၊ လုပ်ထုံးလုပ်နည်းများနှင့်အညီ မုံရွာမြို့နယ်စာရေးဆရာအသင်း၊ စတုတ္ထ အကြိမ် မျက်နှာစုံညီအစည်းအဝေးနှင့် ရွေးချယ်တင်မြောက်ပွဲကို (၃၀-၅-၂၀၂၆)ရက်နေ့တွင် အောင်မြင်စွာ ကျင်းပပြုလုပ်ခဲ့ကြောင်း ရှင်းလင်းတင်ပြခဲ့ပြီး မုံရွာမြို့နယ်စာရေးဆရာအသင်းဥက္ကဋ္ဌမှ မုံရွာမြို့နယ် စာရေးဆရာအသင်း၏ လုပ်ဆောင်ချက်များကို ရှင်းလင်းတင်ပြခဲ့ပါသည်။
ထို့နောက် လွှတ်တော်ဥက္ကဋ္ဌ၊ ဒုတိယဥက္ကဋ္ဌတို့မှ လွှတ်တော်သတင်းလွှာများအား မုံရွာမြို့နယ်စာရေး ဆရာအသင်းနာယက၊ ဥက္ကဋ္ဌနှင့် အဖွဲ့ဝင်များထံပေးအပ်ခဲ့ပြီး မုံရွာမြို့နယ်စာရေးဆရာအသင်း နာယကမှ လွှတ်တော်စာကြည့်တိုက်အတွက် စာအုပ်၊ စာစောင်များအား ပေးအပ်လှူဒါန်းခဲ့ပါသည်။ ဆက်လက်ပြီး မုံရွာမြို့နယ်စာရေးဆရာအသင်း နာယက၊ ဥက္ကဋ္ဌနှင့် အဖွဲ့ဝင်များအား လွှတ်တော်ပင်မအဆောက်အအုံအား လှည့်လည်ပြသခဲ့ပါသည်။
